CİS-in tətbiqi layihəsi çərçivəində işlər davam edir
“Təhsildə inkişaf və innovasiyalar üzrə birinci qrant müsabiqəsi”nin ümumi təhsil müəssisələri kateqoriyası üzrə qalibi olmuş "Ümümtəhsil məktəblərində coğrafiya fənninin tədrisində coğrafi informasiya sistemlərinin (CİS) tətbiqi” layihəsi çərçivəsində işlər davam edir.
Hazırda layihə çərçivəsində seçilmiş şagirdlərlə dərslər müntəzəm olaraq davam edir. Şagirdlərin hər biri dərslərə davamiyyəti yerindədir. Maraqla verilən təlim materiallarını mənimsəyir və tapşırıqları yerinə yetirirlər. Ekspert c.ü.e.d Zakir Eminov dərslərin gedişatını izləyir və öz təklifləri ilə gələcək mövzulara öz tövhəsini veirir. Layihə rəhnərinin köməkçisi c.ü.f.d Rövşən Kərimovun dəvəti ilə c.ü.e.d Rövşən Abbasov təlim dərslərinə qonaq kimi dəvət olunub. Rövşən Abbasov müəllifi olduğu "Fəlakət Riskinin azaldılması təhsil sistemində" kitabını şagirdlərə hədiyyə edib.
Layihənin ümumi icra forması və inkişaf xətti haqda məlumat: Seçilmiş şagirdlərlə təlimlər davam edir. Hər günün təlim materialı uşaqlara çap olunaraq verilir və sonda təkminləşdirilərək layihənin təqdimati zamanı şagirdlərə kitabça şəklində təqdim olunacaqdır. Video dərslər hazırlanaraq youtube kanalına yerləşdiriləcək, hal hazırda montaj işləri gedir.
Qeyd edək ki, oktyabrın 26-da Bakı şəhəri 78 nömrəli tam orta məktəbdə baş tutan seçim turunda ümumilikdə 110 şagird olmaqla VIII-IX sinif şagirdləri iştirak edib.
Layihənin əsas məqsədi coğrafiya fənninin tədrisində CİS-in tətbiqi ilə mövzuların praktiki cəhətdən mənimsənilməsi və CİS haqqında maarifləndirmədən, CİS proqram təminatlarının tədris prosesində istifadəsini təmin etməkdən ibarətdir.
Layihənin icra proqramına uyğun olaraq hər günün təlim materialı çap edilərək şagirdlərə verilir və sonda təkmilləşdirilərək şagirdlərə kitabça şəklində təqdim olunması nəzərdə tutulub. Bundan başqa video dərslər hazırlanaraq youtube kanalına yerləşdiriləcək. Hazırda həmin video materiallar üzərində montaj işləri gedir.
78 nömrəli tam orta məktəbin direktoru Murad Zeynalovun rəhbərliyi ilə ümumi təhsil müəssisələri kateqoriyası üzrə qalib olmuş layihənin icra müddəti noyabr ayının sonunda başa çatacaq.
Qeyd edək ki, Təhsildə inkişaf və innovasiyalar üzrə birinci qrant müsabiqəsi Azərbaycan Respublikası Təhsil Naziriyi tərəfindən dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilmişdir. Müsabiqə çərçivəsində ümumi təhsil müəssisələri kateqoriyası üzrə təklif olunmuş 78 layihədən 37-si, fərdi kateqoriya üzrə isə 213 layihədən 83-ü olmaqla ümumilikdə 120 layihə qalib elan edilib.
