31.05.2022

Ali məktəblərdə pedaqoji fəaliyyət göstərmək istəyən şəxslər üçün yenidən təlimlər keçiriləcək 

ARTİ ali məktəblərdə pedaqoji fəaliyyət ilə məşğul olmaq istəyən, sənayedə və iş dünyasının müxtəlif sahələrində çalışan şəxslərin bu sahədə bilik və bacarıqlarını artırmaq məqsədilə təlimlər təşkil edir.  
 
Proqramda əsas təlim mövzuları aşağıdakılardır:  
 
Pedaqoji fəaliyyətdə ilk addım;  
Tədrisin planlaması və tətbiqi;  
Ali təhsilin normativ-hüquqi tənzimlənməsi;  
Təhsil prosesində müasir rəqəmsal texnologiyaların tətbiqi;  
Elmi rəhbərlik;  
Tədrisin idarə edilməsi;  
Peşə etikası.  
 
Təlimlərdə iştirak etmiş şəxslər nə öyrənəcək?
 
Pedaqoqu xarakterizə edən xüsusiyyətləri və onun rollarını öyrənəcək;
Rəqəmsal texnologiyalardan rahatlıqla istifadə edə biləcək;
Elmi rəhbərlik etmək üçün əsas bacarıqlara yiyələnəcək;
Qiymətləndirmə metodlarını, təlim metodlarını, sillabusların tərtib edilməsini öyrənəcək; 
Tələbələrin fəaliyyətinə vaxtında və tam nəzarət edə biləcək.
 
Təlimlərdə ali təhsilli şəxslər iştirak edə bilər. Təlimlər ödənişli əsaslarla həyata keçirilir. Sonda ARTİ tərəfindən sertifikat təqdim edilir.  
 
Qeyd edək ki, təlimlər onlayn formada baş tutacaq.
 
Qeydiyyatdan keçən şəxslərə proqram və ödəniş ilə bağlı ətraflı məlumat göndəriləcək.  
 
Qeydiyyatdan keçmək üçün aşağıdakı linkə keçid edə bilərsiniz:  
 
 
Qeydiyyat üçün son tarix: 10 iyun 2022-ci il.