14.08.2021

Tədqiqat üzrə mütəxəssis

Azərbaycan Respublikasının Təhsil İnstitutu (ARTİ) tədqiqat bacarığı olan mütəxəssislərin seçimi üçün müsabiqə elan edir.

ARTİ haqqında qısa məlumat:  ARTİ faəliyyətini müxtəlif istiqamətlər üzrə qurur. Bu istiqamətlərə müxtəlif təhsil pillələri üzrə təhsilin məzmun və qiymətləndirmə standartlarının, nümunəvi (variativ) kurikulumların və təhsilin keyfiyyət standartlarının hazırlanması, müxtəlif təhsil müəssisələrində təhsilin inklüzivliyi, milli və beynəlxalq qiymətləndirmə tədqiqatları, təhsilalanlar üçün bərabər imkanların yaradılması məqsədi ilə tədqiqatların aparılması və s. daxildir.

İş haqqında məlumat: Müvafiq mütəxəssislər ARTİ-nin Milli və beynəlxalq qiymətləndirmə tədqiqatları şöbəsinin fəaliyyət istiqamətlərinə uyğun olaraq müxtəlif mövzularda tədqiqat təklifləri yazır, milli və beynəlxalq qiymətləndirmə tədqiqatlarında iştirak edir, hesabatlar tərtib edir və tədqiqat nəticələrinə əsaslanan siyasət tövsiyələrini hazırlayır.

Tələblər:

  • Tədqiqat (kəmiyyət və keyfiyyət) üzrə dərin biliklər
  • Məlumatların təhlili bacarığı
  • Uyğun kompüter proqramları üzrə biliklər
  • Azərbaycan və ingilis dillərində səlis şifahi və yazılı ünsiyyət bacarığı
  • Təhsil siyasəti üzrə biliklər
  • Təhsil sahəsində işləmək həvəsi

Müsabiqədə iştirak etmək arzusunda olan və sadalanmış tələblərə uyğun gələn şəxslərdən 23.08.2021-ci il tarixinədək CV-lərini [email protected] elektron ünvanına “Tədqiqat üzrə mütəxəssis” başlığı altında göndərmələri xahiş olunur.

Yuxarıda qeyd edilən tələblərə cavab verən şəxslər müsahibəyə dəvət olunacaqlar.